Жаңалықтар

2023-20242022-2023202120202019201820172016201520142013201220112010 жылғы мақалалар

«Солтүстік Қазақстан облысы Тайынша ауданы әкімдігінің жер қатынастары бөлімі» коммуналдық мемлекеттік мекемесінің қызметіндегі сыбайлас жемқорлық тәуекелдерін ішкі талдау нәтижелері бойынша талдау анықтамасы

Тайынша қ. 2024 жыл 27 маусым

«Солтүстік Қазақстан облысы Тайынша ауданы әкімдігінің жер қатынастары бөлімі» коммуналдық мемлекеттік мекемесінің қызметіндегі сыбайлас жемқорлық тәуекелдеріне ішкі талдау жүргізу туралы» Солтүстік Қазақстан облысы Тайынша ауданы әкімдігінің жер қатынастары бөлімі» КММ басшысының 2024 жылғы 07 маусымдағы
№ 21-ОД бұйрығы негізінде «Солтүстік Қазақстан облысы Тайынша ауданы әкімдігінің жер қатынастары бөлімі» коммуналдық мемлекеттік мекемесінің қызметіндегі сыбайлас жемқорлық тәуекелдеріне ішкі талдау жүргізілді.

Талдау кезеңі: 2023 жылғы 01 шілдеден бастап 2024 жылғы 01 маусым бойынша

Талдау жүргізу кезеңі (талдау жүргізілген кезеңдегі күндер саны): 2024 жылғы
07 маусымнан бастап 30 маусым бойынша.

Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2023 жылғы 16 қаңтардағы
№ 21 бұйрығымен бекітілген Сыбайлас жемқорлық тәуекелдеріне ішкі талдау жүргізудің Үлгілік қағидаларына сәйкес мынадай бағыттар бойынша жұмыс жүргізілді:

1.Персоналды басқару, оның ішінде тәуекелге ұшыраған лауазымдарды айқындау

Солтүстік Қазақстан облысы Тайынша ауданы әкімдігінің жер қатынастары бөлімі КММ штат саны 5 бірлік. Нақты саны - 5 адам.

Бөлімнің құрылымын басшы және 4 бас маман құрайды. 2024 жылға арналған штат кестесіне сәйкес бөлімде техникалық қызмет көрсетуді жүзеге асыратын және бөлімнің жұмыс істеуін қамтамасыз ететін 3,25 бірлік жұмыскер, оның ішінде: қызметтік
үй-жайларды тазалаушының 0,25 бірлігі, жүргізушінің 1 бірлігі, басшы хатшысының
1 бірлігі, жер мәселелері жөніндегі әдіскердің 1 бірлігі.

2023 жылғы 01 шілдеден 2024 жылғы 01 маусымға дейінгі кезеңде кадрлардың ауысу деңгейі төмен.

Бөлімнің мемлекеттік қызметшілерінің сыбайлас жемқорлыққа қарсы шектеулерді, этикалық нормаларды және мемлекеттік қызмет туралы заңнаманы сақтауы бөлігінде: «Қазақстан Республикасының мемлекеттік қызметі туралы» Заңның 18-бабына сәйкес мемлекеттік қызметке қабылдау кезінде азаматтар өздеріне белгіленген шектеулерді қабылдайды. Талдау жүргізу кезінде бөлімнің барлық мемлекеттік қызметшілерінің істерінде шектеулерді қабылдау туралы міндеттемелер бар.

2023 жылғы 01шілдеден бастап 2024 жылғы 01 маусымға дейінгі кезеңде Қазақстан Республикасы мемлекеттік қызметшілерінің Әдеп кодексін (Мемлекеттік қызметшілердің қызмет этикасы қағидаларын) бұзғаны үшін тәртіптік жаза қолданылмаған.

Барлық мемлекеттік қызметшілер бөлім басшысының бұйрығымен бекітілген атқаратын лауазымына қойылатын біліктілік талаптарына сәйкес келеді. Еңбек тәртібін бұзу, сыбайлас жемқорлық және/немесе қылмыстық құқық бұзушылық фактілері болған жоқ. Бөлімде жасырын сауалнама жүргізудің қажеттілігі жоқ.

Ұсыным: Мемлекеттік қызмет туралы, «Қазақстан Республикасының Еңбек кодексі» Заңының, Қазақстан Республикасы мемлекеттік қызметшілерінің әдеп кодексінің тиісінше сақталуы қамтамасыз етілсін.

2. Мүдделер қақтығысын реттеу

Жақын туыстардың, ерлі-зайыптылардың және жекжаттардың бірлескен қызмет (жұмыс) фактілері анықталған жоқ.

3. Рұқсат беру функцияларын іске асыру

«Солтүстік Қазақстан облысы Тайынша ауданы әкімдігінің жер қатынастары бөлімі» КММ Қазақстан Республикасы Ауыл шаруашылығы министрінің 2020 жылғы
01 қазандағы № 301 бұйрығымен бекітілген жер құқықтық қатынастары саласында мынадай мемлекеттік қызметтерді көрсетеді:

1) «Жер телімдерін қалыптастыру жөніндегі жерге орналастыру жобаларын бекіту»;

2) «Жер телімінің нысаналы мақсатын өзгертуге шешім беру»;

3) «Іздестіру жұмыстары үшін жер телімін пайдалануға рұқсат беру»;

4) «Ауыл шаруашылығы алқаптарын бір түрден екіншісіне ауыстыруға түпкілікті шешім беру»;

5) «Приобретение прав на земельные участки, которые находятся в государственной собственности, не требующее проведения торгов (конкурсов, аукционов)»;

6) «Жер телімдерінің бөлінетіндігі мен бөлінбейтіндігін анықтау»;

7) «Бұзылған жерлерді қалпына келтіру жобасын келісу және беру»;

8) «Жер телімін жеке меншікке бір мезгілде не бөліп-бөліп сату».

Бұл ретте 3 (үш) қызмет бойынша, атап айтқанда «Жер телімдерін қалыптастыру жөніндегі жерге орналастыру жобаларын бекіту», «Жер телімдерінің бөлінетіндігін және бөлінбейтіндігін анықтау» және «Бүлінген жерлерді қалпына келтіру жобасын келісу және беру», «Солтүстік Қазақстан облысы Тайынша ауданы әкімдігінің жер қатынастары бөлімі» КММ болып табылады көрсетілетін қызметті беруші; ал қалған қызметтер бойынша - жер қатынастары бөлімі жұмыс органы болып табылады.

4. Бақылау-тексеру функцияларын іске асыру

ҚР АШМ 2020 жылғы 1 қазандағы № 301 бұйрығымен бекітілген «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер телімдеріне құқықтарды алу» мемлекеттік қызмет көрсету қағидаларының 2-тарауының
4-тармағы мемлекеттік көрсетілетін қызметті алу үшін жеке және заңды тұлғалар (бұдан әрі - көрсетілетін қызметті алушы) көрсетілетін қызметті берушіге портал арқылы бағыттайды:

1) осы Қағидаларға 1-қосымшаға сәйкес нысан бойынша көрсетілетін қызметті алушының ЭЦҚ-сымен куәландырылған электрондық құжат нысанындағы жер учаскесіне құқықты сатып алуға өтініш;

2) сұралып отырған жер телімінің схемасы (жоспары);

бекiтiлген жерге орналастыру жобасы.

Жоғарыда айтылғандарды негізге ала отырып, атап айтқанда «Жер теліміне құқық беру туралы шешім шығару - бекітілген жерге орналастыру жобасы келіп түскен күннен бастап 3 (үш) жұмыс күні ішінде», көрсетілетін қызметті алушылар «Е-лицензиялау» базасы арқылы бекітілген жерге орналастыру жобасын беру арқылы ғана бастамашылық етеді, яғни шешім шығару үшін жергілікті атқарушы органға өтініш берушіден бекітілген жоба келіп түсуі тиіс.

Алайда, ҚР Жер кодексінің (бұдан әрі - Кодекс) 43-бабы 7-тармағының 3-бөлігінде: «Облыстың, республикалық маңызы бар қаланың, астананың, ауданның, облыстық маңызы бар қаланың уәкілетті органы жер учаскесіне құқық беру туралы шешім қабылдау үшін бекітілген жерге орналастыру жобасын бір жұмыс күні ішінде облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органына, аудандық маңызы бар қаланың, кенттің, ауылдың, ауылдық округтің әкіміне жібереді». Сәйкесінше, осы баламасыз норма жер қатынастары бөлімін 1 жұмыс күні ішінде бекітілген жерге орналастыру жобаларын шешім қабылдау үшін әкімдіктерге жіберуге міндеттейді.

Кодекстің 43-бабы 7-тармағының 3-бөлігі жергілікті атқарушы органның жер учаскесіне құқық беру туралы шешімі бекітілген жер комиссиясының оң қорытындысы мен жерге орналастыру жобасы келіп түскен сәттен бастап үш жұмыс күні ішінде қабылданатынын көздейді. Осылайша, Кодекс пен Мемлекеттік қызмет көрсету қағидалары арасында бекітілген жерге орналастыру жобасының жергілікті атқарушы органға келіп түсу кезеңінде қайшылықтар бар.

Ұсыным: Жер қатынастары бөлімінің бас маманы жоғары тұрған органға ҚР АШМ 2020 жылғы 1 қазандағы № 301 бұйрығымен бекітілген «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу» көрсетілген мемлекеттік қызмет көрсету қағидаларына өзгерістер енгізу туралы хат жолдасын, себебі «Құқықтық актілер туралы»
2016 жылғы 6 сәуірдегі № 480-V ҚРЗ Қазақстан Республикасы Заңының 10-бабына сәйкес нормативтік құқықтық актілердің сатысына сәйкес Қазақстан Республикасының Жер кодексі жоғары тұрған нормативтік құқықтық акт болып табылады.

5. Бюджет және қаржы қаражатын игеру және бөлу, жеке және заңды тұлғалармен шарттар жасасу.

Барлық мемлекеттік сатып алу «Мемлекеттік сатып алу туралы» Қазақстан Республикасының Заңына сәйкес жүргізіледі. Өнім берушінің қызметтер көрсетуі көрсетілген шарттарда мерзімдерде жүзеге асырылады, ұйымның тарапынан шарттың орындалу сапасына наразылықтар жоқ. Мемлекеттік сатып алу рәсімін жүргізу кезінде мүдделер қақтығысының туындау фактілері туындаған жоқ. Мемлекеттік сатып алу мемлекеттік сатып алу үшін пайдаланылатын бюджет қаражатын тиімді жұмсау, мемлекеттік сатып алу процесінің жариялылығы мен ашықтығы қағидаты бойынша жүзеге асырылады.Ішкі талдау нәтижесінде өткізілетін мемлекеттік сатып алуға жақын туыстардың, ерлі-зайыптылардың немесе бөлім басшылығының жекжаттарының әлеуетті өнім берушілерінің қатысу фактілері анықталған жоқ.

Бухгалтерлік есеп «Мемлекеттік мекемелерде бухгалтерлік есепті жүргізу ережесін бекіту туралы» Қазақстан Республикасы Қаржы министрінің 2010 жылғы 03 тамыздағы
№ 393 бұйрығының негізінде жүргізіледі.

Бухгалтерлiк есептi жасау қолданылып жүрген заңдардың белгiленген талаптарына сәйкес келедi, материалдық, еңбек, қаржы ресурстарының үнемдi пайдаланылуына және мүлiктiң сақталуына қатаң бақылау жүргiзiледi.

Ұсыным: Одан арғы жұмыста «Мемлекеттік сатып алу туралы» Қазақстан Республикасының Заңын сақтау, бекітілген, нақтыланған жоспарға сәйкес мемлекеттік сатып алуды уақтылы жүргізу, өнім берушілермен сапалы тауарлар мен қызметтерді жеткізу жөнінде шарттар жасасу, мемлекеттік сатып алуды өткізу кезінде мүдделер қақтығысына жол бермеуге ықпал ету

6. Ұйымдастыру-басқару қызметінен туындайтын өзге де мәселелер

Жеке және заңды тұлғалардың өтініштеріне талдау жүргізілді, оның барысында талданып отырған кезеңде 98, жеке тұлғалардан - 52, заңды тұлғалардан - 46 өтініш түскені анықталды. Азаматтарды жеке қабылдау жүйелі негізде ұйымдастырылған, бекітілген кестеге сәйкес жүргізіледі.

Азаматтарды қабылдаудың бекітілген кестелері тоқсан сайын аудандық бұқаралық ақпарат құралдарында жарияланады, мемлекеттік органның веб-сайтында орналастырылады. Азаматтардың және заңды тұлғалар өкілдерінің барлық өтініштеріне АІЖК сәйкес заңмен белгіленген мерзімде жауаптар берілді және Е-Өтініш бағдарламасында есеп жүргізіледі, мерзім бұзылуына жол берілген жоқ.

Ұсыным: өтініштерді қараудың заңмен белгіленген мерзімдерінің сақталуы.

Қызметтің ашықтығы мен жариялылығы.

«Солтүстік Қазақстан облысы Тайынша ауданы әкімдігінің жер қатынастары бөлімі» КММ қызметі бөлімнің ресми интернет-ресурсында, әлеуметтік желілердің беттерінде жарияланады. Бюджеттік бағдарламалардың жобалары және бюджеттің атқарылуы туралы есептер «Ашық бюджеттер» порталында және Ашық бюджеттердің интерактивті картасында орналастырылады.

Қорытынды бөлім.

Сыбайлас жемқорлық тәуекелдеріне ішкі талдау жүргізу қорытындылары бойынша:

- талдамалық анықтамаға қол қойылған күннен бастап 10 жұмыс күнінен кешіктірмей сыбайлас жемқорлық тәуекелдерін ішкі талдау нәтижелері бойынша анықталған сыбайлас жемқорлық құқық бұзушылықтарды жасауға ықпал ететін себептер мен жағдайларды жою жөніндегі іс-шаралар жоспарын әзірлесін;

- сыбайлас жемқорлық тәуекелдеріне ішкі талдау жүргізу нәтижелері бойынша жұмыс тобы берген ұсынымдардың орындалуына алты ай ішінде мониторинг жүргізсін.

Жұмыс тобы А. Нұрахмет

В. Малиновская

З. Кабирова

Т. Дмитрук



17.06.2024

«Солтүстік Қазақстан облысы Тайынша ауданы әкімдігінің жер қатынастары бөлімі» КММ қызметінде сыбайлас жемқорлық тәуекелдеріне ішкі талдау нәтижелерін жария талқылаудың басталуы туралы хабарландыру

«Солтүстік Қазақстан облысы Тайынша ауданы әкімдігінің жер қатынастары бөлімі» КММ қызметінде сыбайлас жемқорлық тәуекелдеріне ішкі талдау нәтижелерін жария талқылауы 2024 жылғы 19 маусымда сағат 16:00-де Тайынша қаласы, Қазақстан Конституциясы көшесі, 206 мекен-жайы бойынша өтеді.



Жеручаскелерінеуақытшаөтеусізжерпайдалануқұқығын

сатубойынша

сауда-саттық (аукцион) өткізутуралыхабарландыру

Құрметті әлеуетті сауда-саттыққа қатысушылар!

«Солтүстік Қазақстан облысы Тайынша уданы әкімдігінің жер қатынастары бөлімі» коммуналдық мемлекеттік мекемесі мемлекеттік мүлік Тізілімінің www/gosreestr/kz веб-порталында (бұданәрі-тізілімнің веб-порталы) 2024 жылғы 19 маусымдағы 10сағат 00 минуттан 17 сағат 00 минутқа дейін (жергіліктіуақытпен) жер учаскелеріне бағаны көтеру әдісімен 5 жыл мерзімге уақытша өтеулі жерпайдалану (жалғаалу) құқығын сату бойынша электрондық аукцион өткізілетіні туралы ақпарат береді.

Тізілім веб-порталында жер учаскелеріне уақытша өтеулі жер пайдалану (жалға алу) құқығын 5 жыл мерзімге сату «Мемлекеттік мүлік тізілімі веб-порталында жер учаскелерін немесе жер учаскелерін жалға алу құқығын сату жөніндегі сауда - саттықты (конкурстарды, аукциондарды) электрондық түрде ұйымдастыру және өткізу қағидаларын бекіту туралы» (бұдан әрі-Қағида) Қазақстан Республикасы Ауыл шаруашылығы министрінің 2021жылғы 15 қазандағы № 297 бұйрығына сәйкес жүзеге асырылады (бұдан әрі - Ереже).

Сауда – саттықты өткізу нысаны-мемлекеттік мүлік тізілімінің веб-порталында элетрондық түрде Аукцион.

Сауда - саттық әдісі-Ағылшын (бастапқы бағаны көтеру)

Аукционға бағаны көтеру әдісі қолданыла отырып, келесі жер учаскелері (сату объектілері)қойылады:

1. Жер учаскесінің кадастрлық нөмірі 15-164-

Жер учаскесінің нысаналы мақсаты – Көпфункционалды кешенді (кафе, жол мотелі, техникалық қызмет көрсету станциясы) салу үшін

Жер учаскесінің орналасқан жері – Тайынша ауданы Чкалов ауылдық округі, Чкалов ауылы

Жер учаскесінің алаңы (гектармен) –0,1500 га

Құқық түрі-5 жыл мерзімге уақытша өтеулі жер пайдалану (жалға алу)

Жер учаскесінің шектеулері, ауыртпалықтары – Қазақстан Республикасының қолданыстағы заңнамасымен бекітілген барлық экологиялық, санитарлық, құрылыс, теміржол нормаларын сақтау

1 жылға жалдау ақысының сомасы – теңге) – 864

Бастапқы (бастапқы және ең төменгі) баға (теңге) –40 412

Кепілдік жарна сомасы (теңге) – 184 600

Сауда-саттыққа қатысу үшін қатысушы веб-порталда өтінім береді және электрондық цифрлық қолтаңбамен (бұдан әрі – ЭЦҚ) қол қояды.

Өтінімде көрсетілген деректер өзгерген кезде қатысушы 1 (бір) жұмыс күні ішінде веб-порталда деректерді өзгертуді жүзеге асырады.

Сауда-саттыққа қатысушылардың өтінімдерін тіркеу хабарландыру орналастырылған күннен бастап жүргізіледі және сауда-саттық басталғанға дейін бес минут бұрын аяқталады.

Сауда-саттыққа қатысушының өтінімі өтінімде көрсетілген қатысушылардың (сатып алушының) шарттарына сәйкестігін растайтын құжаттардың электрондық (сканерленген) көшірмелерін қоса бере отырып, веб-порталдың арнайы бөлінген бетінде электрондық конвертке жүктелетін сауда-саттық шарттарымен қатысушының келісімін және баға ұсынысын қамтиды.

Шетелдіктер немесе шетелдік заңды тұлғалар қазақ және (немесе) орыс тілдеріне нотариалды куәландырылған аудармасы бар шетелдік паспорттың немесе құрылтай құжаттарының нотариалды куәландырылған көшірмелерінен электрондық (сканерленген) көшірмелерін ұсынады.

Егер сауда-саттық объектісін осындай тұлғаларға беруге Жер кодексінің 24-бабы 1-тармағының үшінші бөлігіне сәйкес тыйым салынған жағдайда, шетелдіктердің, азаматтығы жоқ адамдардың, шетелдік заңды тұлғалардың, шетел қатысатын Қазақстан Республикасы заңды тұлғаларының, сондай-ақ қандастардың құжаттары сауда-саттыққа қатысушы ретінде тіркеу үшін қабылданбайды.

Сауда-саттыққа қатысу үшін кепілдік жарна сауда – саттық объектісінің ең төменгі бағасының 15 (он бес) % - ын құрайды, бірақ кемінде 50 (елу) айлық есептік көрсеткіш (бұдан әрі-АЕК) және 30 (отыз) мың АЕК-тен аспайды.

Кепілдік жарнаны Сауда-саттықты ұйымдастырушы қабылдайды және ұйымдастырушының деректемелеріне енгізеді: «АҚПАРАТТЫҚ-ЕСЕПТЕУ ОРТАЛЫҒЫ» АКЦИОНЕРЛІК ҚОҒАМЫ БСН: 050540004455.

«Қазақстан Халық банкі» АҚ-дағы есеп айырысу шоты (IBAN/ЖСК): KZ946017111000000330; БСК: HSBKKZKX; ТТК: 171; Кбе:16.

Өтінімде көрсетілген деректер мемлекеттік дерекқорлардан және ақпараттық жүйелерден автоматты режімде алынбаған жағдайда қатысушы деректерді дербес енгізеді, сондай-ақ өтінімге растайтын құжаттарды қоса береді.

Автоматты тексеру нәтижелері бойынша веб-портал веб-порталда көрсетілген қатысушының электрондық мекенжайына өтінімді қабылдау не өтінімді қабылдаудан бас тарту себептері туралы электрондық хабарлама жібереді.

Өтінімі тіркелген және қабылданған қатысушыға веб-портал аукциондық нөмір береді.

Сауда-саттық нәтижелері туралы хаттамаға сәйкес сауда-саттыққа қатысу кезінде мәлімделген талаптарда жер учаскесін немесе жер учаскесін жалдау құқығын сатып алу-сату шартын жасасу үшін Сауда-саттықты сатып алушының кепілдік жарнасы қамтамасыз ету болып табылады.

Конкурс жеңімпазы сауда-саттық нәтижелері туралы электрондық пошта арқылы хабардар етіледі.

Әрбір сатылған сауда-саттық объектісі бойынша сауда-саттық нәтижелері сауда-саттық нәтижелері туралы хаттамамен ресімделеді, оған сатушы және жеңімпаз ЭЦҚ пайдалана отырып, сауда-саттық өткізілген күні веб-порталда қол қояды.

Сауда-саттық нәтижелері туралы хаттама жеңімпаз бен сатушы арасындағы жер учаскесін жалдау құқығын сатып алу-сату шартына қол қою үшін сауда-саттық нәтижелері мен шарттарын белгілейтін құжат болып табылады.

Жер учаскесін жалдау құқығын сатып алу-сату шарты және жер учаскесін жалдау шарты электрондық форматта веб-порталда жасалады және сауда-саттық нәтижелері туралы хаттамаға қол қойылған күннен бастап 2 (екі) жұмыс күні ішінде ЭЦҚ-ны пайдалана отырып, сатушы мен сатып алушы қол қояды.

Жер учаскесін жалдау құқығын сатып алу-сату шарты бойынша есеп айырысу сатушы мен сатып алушы арасында жүргізіледі. Бұл ретте сатып алушы ұйымдастырушыға төлемдерді аударуды мынадай тәртіппен жүргізеді:

1) кепілпұл (аванстық төлем) жер учаскесін жалдау құқығын сатып алу-сату шартына қол қойылған күннен бастап 2 (екі) жұмыс күнінен кешіктірілмейтін мерзімде сату бағасының 50 (елу) % - ы мөлшерінде енгізіледі. Кепілдік жарна тиесілі аванстық төлем есебіне есептеледі;

2) қалған сома жер учаскесін жалдау құқығын сатып алу-сату шартына қол қойылған күннен бастап күнтізбелік 30 (отыз) күннен кешіктірілмей енгізіледі.

Жеңімпаз сауда-саттық нәтижелері туралы хаттамаға не жер учаскесін жалдау құқығын сатып алу-сату шартына және жер учаскесін жалдау шартына белгіленген мерзімде қол қоюдан бас тартқан жағдайда, сатушы веб-порталда қалыптастырылатын сауда-саттық нәтижелерінің күшін жою туралы актіге қол қояды және осы сауда-саттық объектісі күші жойылған сауда-саттық талаптарымен сауда-саттыққа қайтадан шығарылады.

Сатып алушы түпкілікті төлемді төлеу жөніндегі шарттарды мерзімінде орындамаған жағдайда, Сатып алушы 10 (он) күнтізбелік күн ішінде жер учаскесі үшін сома төленуге тиіс күннен бастап төлем жүргізілген күнге дейін мерзімі өткен мерзім үшін өсімпұл (тұрақсыздық айыбын) төлейді.

Анықтама телефоны: 8(71536)2-26-97



12.04.2024


27.05.2024

2024 жылғы 7 маусымнан бастап 30 маусым аралығында «Солтүстік Қазақстан облысы Тайынша ауданы әкімдігінің жер қатынастары бөлімі» КММ-де «Сыбайлас жемқорлықтың алдын алу және оған қарсы іс-қимыл» төртінші үлгілік базалық бағытын іске асыру аясында сыбайлас жемқорлық тәуекелдеріне ішкі талдау жүргізілетін болады.

Сыбайлас жемқорлық тәуекелдерін ішкі талдауға объектінің қызметін және объектінің ұйымдастырушылық-басқарушылық қызметін қозғайтын нормативтік құқықтық актілер тартылатын болады.

Сыбайлас жемқорлық тәуекелдеріне жүргізілген ішкі талдау қорытындылары бойынша талдамалық анықтама дайындап, оның негізінде сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылданатын болады.



Мақаланы құрған күні 26.03.2018 16:03

Мақаланы жаңартқан күні 26.03.2018 16:03

coronavirusАкорда Қазақстан Республикасы Сыртқы істер министрлігі «БЖЗҚ» АҚ Antikor Премьер egovОфициальный интернет-ресурс Северо-Казахстанской областиӘділетruh.kz